کاہنہ( نامہ نگار )سوئی گیس انتظامیہ کی نالائقیوں کی وجہ سے کچا جیل روڈ رسول پارک کے رہائشیوں کے گھروں کی 20روز سے گیس مکمل طور پر بند ہے ۔بارہا شکایت کے باوجود گیس چالو کرنے کا کوئی بندو بست نہ کیا جا سکا ۔ رسول پارک کے رہائشیوں کے 200گھروں کے چاروں اطراف بڑی مقدار میں گیس آ رہی ہے انکے  سوئی گیس پائپ کے ساتھ کنکشن جوڑنے سے 200گھروں کو گیس مہیا ہو سکتی ہے سوئی گیس انتظامیہ کو بار بار اس مسلئے پر توجہ دلوانے کی کوشش کی لیکن سوئی گیس انتظامیہ ٹس سے مس نہیں ہو رہی ۔اہل علاقہ نے سوئی گیس انتظامیہ کے خلاف شدید احتجاج کیا اور اعلی حکام سے اپیل کی اس مسئلے کا فوری حل تلاش کیا جائے تاکہ شہری گیس سے مستفید ہو سکیں۔