لاہور (خصوصی نامہ نگار)سیکرٹری اطلاعات جماعت اسلامی قیصر شریف نے کہا ہے کہ کراچی میں بلدیاتی الیکشن میں کامیابی پر جماعت اسلامی جمعہ کو یوم تشکر کے طور پر منائے گی۔ امیر جماعت اسلامی سراج الحق کراچی جائیں گے اور اہلیان شہر سے خطاب کریں گے۔ یوم تشکر کے موقع پر ملک کے مختلف شہروں میں ریلیاں نکالی جائیں گی اور جلسے جلوس منعقد کیے جائیں گے۔ جماعت اسلامی نے ماضی میں کراچی کی خدمت کی ہے اب ایک دفعہ پھر شہر اپنی بنیاد کی جانب لوٹ آیا ہے۔