متعدد شہریوں کو ڈاکوؤں نے کنگال کر دیا، کروڑوں لوٹ لئے 

لاہور (نمائندہ خصوصی) لاہور میں متعدد وارداتوں میں شہریوں کو کروڑ روپے زیورات، موبائل فون، کاروں وموٹر سائیکلوں اور دیگر اشیا سے محروم کر دیا گیا۔ کاہنہ میں نامعلوم چور اجمل کے گھر میں گھس کر 28 لاکھ روپے کے پرفیوم 14 قیمتی موبائل 9گھڑیاں،  الیکٹرانکس کا سامان  لے گئے۔ نشتر کالونی میں نامعلوم چور عبدالوحید کے گھر میں گھس کر 25 لاکھ 80 ہزار  زیورات اور دیگر قیمتی اشیاء ، مصطفی ٹاون میں ایک ڈاکو شہری رضوان کی بہن سے گن پوائنٹ پر 6تولے سونے کی چوڑیاں،10 ہزار  اور موبائل فون، اسلام پورہ  میں ڈاکو امجد سے گن پوائنٹ پر 30 ہزار، موبائل فون ، شالیمار میں ڈاکو گن پوائنٹ پر شہریار سے 10 ہزار  موبائل فون، مانگا منڈی میں ڈاکو گن پوائنٹ پر منظور سے 55 ہزار، نور بھٹی سے 27 ہزار اور موبائل فون، سندر میں ڈاکو سانول سے 20 ہزار اور موبائل فون ،کوٹ لکھپت میں ڈاکو انس سے گن پوائنٹ پر 9 ہزار اور موبائل فون ،جنوبی چھائونی میں ڈاکو گن پوائنٹ پر قربان سے ہزاروں نقدی اور موبائل فون، اسلام پورہ میں ڈاکو حمزہ سے7ہزار، شناختی کارڈ صفدر علی سے 5ہزار اور موبائل فون، راوی روڈ میں ڈاکو عمیر سے گن پوائنٹ پر 8سو اور موبائل فون ،فیصل ٹاون  میں ڈاکو اوبر ڈرائیور کبیر سے گن پوائنٹ پر7ہزار  اور اے ٹی ایم کارڈ، چوہنگ میں ڈاکو عادل سے گن پوائنٹ پر 6 سو  اور موبائل فون چھین کر فرار ہو گئے۔ جنوبی چھاؤنی، لاری اڈا، شادمان، مزنگ، ہنجروال، لیاقت آباد، غالب مارکیٹ سے کاریں اور لٹن روڈ، شیراکوٹ، نولکھا، مصطفی آباد، بھاٹی گیٹ سے موٹر سائیکلیں چوری ہوگئیں۔