لاہور(سپورٹس رپورٹر)پاکستان کے نامور ٹینس سٹار اعصام الحق قریشی اور ان کے سربین جوڑی دار نکولا کیچک رواں سال کے پہلے گرینڈ سلام آسٹریلین اوپن ٹینس ٹورنامنٹ کا فاتحانہ آغاز کرتے ہوئے مردوں کے ڈبلز مقابلوں کے دوسرے رائونڈ میں پہنچ گئے۔ فاتح جوڑی نے مینز ڈبلز کے ابتدائی میچ میں پرتگال کے فرانسسکو کیبرال اور ان کے ہم وطن جوڑی دار جائو سوساکی جوڑی کو شکست دی ۔ انکی کامیابی کا سکور 6-4، 3-6 اور 4-6 سے شکست رہا۔دوسرے رائونڈ میں ان کا مقابلہ میکسیکو کے سینٹیاگو گونزالیز ٹورے اور ان کے فرانسیسی جوڑی دار ایڈورڈ راجر سے ہوگا۔