ہزاروں کی نقدی، لاکھوں کے زیورات، 2 کاریں، رکشہ، 9موٹرسائیکل چوری،  مجسٹریٹ کالونی میں2 طلائی انگوٹھیاں چھین لی گئیں

راولپنڈی(اپنے سٹاف رپورٹر سے) ڈکیتی ، چوری اور سٹریٹ کرائم کی وارداتوں میںشہریوں کونقدی ، زیورات ، دو کاروں ، ایک رکشے ، 9موٹر سائیکلوں سمیت قیمتی سامان سے محروم کر دیا گیا تھانہ نصیر آباد کو محمد آفتاب عباسی نے بتایا کہ رینج روڈ پر نامعلوم موٹر سائیکل سواروں نے موبائل فون اور47ہزار روپے چھین لئے تھانہ صادق آباد کو حامد محمود نے بتایا کہ مجسٹریٹ کالونی میں دو مسلح موٹرسائیکل سوارواں نے مجھ سے دو طلائی انگوٹھیاں اورچارہزار روپے چھین لئے،  تھانہ نصیر آباد کو حافظ عبدالرحمان نے بتایا کہ برٹش ہومز میں مسلح موٹر سائیکل سواروں نے موبائل فون اور 35ہزار روپے چھین لئے،  تھانہ نصیر آباد جو عامر شہزاد نے بتایا کہ کرم آباد میں نامعلوم چوروں نے بیٹریاں گیس سلنڈر اور موبائل فون چوری کرلئے تھانہ نصیر آباد کو ناصر علی بھٹی نے بتایا کہ فتح جنگ روڈ پر نامعلوم افراد نے ایک لاکھ10ہزار روپے چھین لئے ۔