گو رڈن کا لج کی تر ئین وآرائش ، نام محمڈن کالج رکھا جا ئے : خرم 

 راولپنڈی(محبوب صابر سے)تاریخی اور قدیمی درس گاہ گورڈن کالج کا نام محمڈن کالج رکھا جائے، حکومت کالج کی تزئین و آرائش کیلئے اقدامات کرے، محمڈن کالج سنوارو مہم شروع کرنے کاا علان کر دیا ہے، ان خیالات کا اظہار گزشتہ روز صدر پنجاب پر وفیسر اینڈ لیکچررز ایسوسی ایشن راولپنڈی کے صدر خرم شہزاد ، ایگزیکٹو ممبر ظفر اللہ شاہین اور بانی محمڈن سٹوڈنٹس موومنٹ نور خان لودھی نے ’’نوائے وقت ‘‘ سے گفتگو کرتے ہوئے کیا ، انہوں نے کہا کہ ملکی حالات بدلتے جا رہے ہیں ، پنجاب حکومت میں بھی تبدیلی آ رہی ہے اس لئے ہم اپیل کرتے ہیں کہ گورڈن کالج کو ایف سی کالج پرسبیٹرین کے حوالے سے کوئی ایسا اقدام نہ اٹھائے کہ جس سے طلباء و طالبات ، پروفیسر اور لیکچررز کو مشکلات سامنے آ ئیں ، پہلے بھی ایسا اقدام کیا گیا تھا جس سے اس قدیمی درس گارہ گورڈن کالج کو کسی دوسرے فریق کی تحویل میں دینے کیلئے قدم اٹھایا گیا تو زیر تعلیم طلباء و طالبات سڑکوں پر نکل آئے اور معاملہ حل ہوا، یہ خطرات منڈلا رہے ہیں کہ کہیں ایک مرتبہ پھرایسا نہ ہو جائے۔