گکھڑمنڈی(نامہ نگار) چوری کی 4وارداتوں میں نامعلوم چور تین چھترے مالیتی ایک لاکھ بیس ہزار روپے، ٹیوب ویل کی موٹر اور پنکھا مالیتی 55ہزار روپے، 2موٹر سائیکلیں چوری کرکے فرار ہوگئے۔ تلونڈی کھجور والی کے زمیندار اظہر اقبال کے ڈیرہ سے رات کے وقت نامعلوم چور ڈیرہ پر بندھے ہوئے تین عدد چھترے،رڑیالہ وڑائچ کے زمیندار عمران محمد خاں کے ڈیرہ سے ٹیوب ویل کی موٹر اور پنکھا، محلہ شریف فارم کے سمیع اﷲ کی موٹر سائیکل نمبری جی اے ڈبلیو-2698، تلونڈی کھجور والی کے ابوذر کی موٹرسائیکل نمبری اے ایف ایم-2688 گھروںکے باہر سے نامعلوم چور چوری کرکے لے گئے۔دوسری طرف پولیس تھانہ کینٹ نے محلہ شریف فارم راہوالی کے رہائشی امداد شاہ کو گرفتار کرکے  30لیٹر جبکہ ریلوے پھاٹک کے قریب سے عمران رحمانی سے 15لیٹر دیسی شراب برآمد کر لی جبکہ رڑیالہ وڑائچ کے اشتہاری مجرم لقمان سکنہ رڑیالہ وڑائچ کو فرار کروانے پر اس کے دوست ماجد کشمیری سکنہ گوجرانوالہ کے خلاف مقدمات درج کرلئے۔