ڈیووس (این این آئی) وزیرِخارجہ بلاول بھٹو زرداری نے ڈیووس میں نیدر لینڈ کے ڈپٹی وزیرِ اعظم اور ہم منصب ووپکے ہوکسٹرا سے ملاقات کی ٹوئٹر پر  بلاول بھٹو زرداری نے بتایا کہ دونوں سے مل کر  خوشی ہوئی۔ ملاقات کے دوران دو طرفہ سیاسی و سفارتی تعلقات اور ماحولیات کے حوالے سے گفتگو ہوئی۔ وزیرِ خارجہ نے بتایا  انہوں نے پاکستان میں تباہ کن سیلاب سے متاثرین کے لیے نیدر لینڈ کی جانب سے دی گئی امداد کو سراہا۔ ملاقات میں تعاون کو مزید بڑھاتے ہوئے تجارت، سرمایہ کاری، تعلیم، آئی ٹی اور زراعت کے شعبے میں مل کر کام کرنے کے عزم کا اظہار بھی کیا گیا۔
بلاول ملاقاتیں