اسلام آباد(خبرنگار)وفاقی وزیر صحت اور پیپلز پارٹی کے رہنما قادر پٹیل نے کہا ہے کہ لگتا ہے کہ شاہ محمود قریشی ملتان میں ہونے والی پٹائی بھول گئے ہیں آئندہ انتخابات کے بعد شاہ محمود قریشی کی حالت پرانے ٹین ڈبے جیسی ہوگی۔عبدالقادر پٹیل نے شاہ محمود قریشی کو مشورہ دیا کہ وہ پیپلزپارٹی کے خاتمے کے خواب دیکھنے کی بجائے اپنے مستقبل کی فکر کریں کیونکہ ملتان سے خانہ بدوشوں کا جلد صفایا ہو جائے گا۔ عبدالقادر پٹیل نے کہا کہ شاہ محمود قریشی کا سیاسی سفر مسلم لیگ سے شروع ہوا، پھر پیپلزپارٹی میں آئے اس کے بعد پی ٹی آئی میں شامل ہوگئے ۔ اگلے انتخابات کس پلیٹ فارم سے لڑیں گے۔ بہرحال قریشی جس گروپ میں الیکشن لڑے ان کی ضمانت ضبط کرا دیں گے۔
 پٹیل