پہلے مرحلے میں نگران وزیراعلیٰ کی تعیناتی کے لئے 24 گھنٹے کا وقت رہ گیا ہے تاہم 2 دن گزرنے کے باوجود وزیراعلیٰ خیبر پختونخوا محمود خان اور اپوزیشن لیڈر کا بھی کوئی رابطہ نہ ہوسکا۔

وزیراعلیٰ خیبرپختونخوا کی جانب سے تاحال کوئی نام تجویز نہیں کیا گیا،اپوزیشن جماعتیں بھی نگران وزیراعلیٰ کی تعیناتی میں تقسیم کا شکار ہیں۔اب تک صرف عوامی نیشنل پارٹی (اے این پی) نے سابق آئی جی ظفراللہ خان کا نام تجویز کیا ہے۔ذرائع کا کہنا ہے کہ اپوزیشن لیڈر کی جانب سے آج 3 نام ارسال کیا جاسکتے ہیں، کل 9 بج کر 15 منٹ تک نام پر اتفاق نہ ہونے کی صورت معاملہ کمیٹی میں جائے گا۔