لاہور(نامہ نگار)کیپٹل سٹی پولیس آفیسر لاہور بلال صدیق کمیانہ کی صدارت میں سی سی پی او آفس میں سینئر پولیس افسران کااجلاس منعقد ہوا۔ اجلاس میں عام انتخابات 2024ء کے پْرامن انعقاد کے سلسلے میں سکیورٹی انتظامات کا جائزہ لیا گیا۔انہوں نے کہاکہ الیکشن کے موقع پر پولنگ سٹیشنز بلڈنگز اور اطراف میں سی سی ٹی وی کیمروں کی تنصیب، ناکوں کے قیام، بیرئیرز، خار دار تاروں، میٹل ڈیٹیکٹرز، واک تھرو گیٹس،لیڈیز سرچ کیبن و دیگر انتظامات کی بروقت تکمیل یقینی بنائی جائے۔ پرامن انعقاد کیلئے الیکشن کمیشن، ضلعی انتظامیہ اوردیگر حکومتی اداروں کو بھر پور معاونت فراہم کی جائیگی۔ صوبائی دارالحکومت کے پولنگ سٹیشنز، پولنگ کیمپس، ریٹرنگ آفیسرز، ڈسٹرکٹ ریٹرنگ آفیسرزکے دفاتر کے سکیورٹی پلان سے متعلق مختلف امور پر تبادلہ خیال کیا گیا۔