پیاز کی قیمت قابو سے باہر، اسلام آباد 320، لاہور 240 روپے کلو فروخت 

اسلام آباد (نوائے وقت رپورٹ) ملک بھر میں پیاز کی قیمتیں قابو سے باہر ہو گئیں۔ ادارہ شماریات دستاویز کے مطابق اسلام آباد میں پیاز کی فی کلو قیمت 320 روپے تک پہنچ گئی۔ راولپنڈی میں پیاز 310، سیالکوٹ میں 270، پشاور میں 280، خضدار میں 250، کراچی، لاہور، گوجرانوالہ میں 240، فیصل آباد، سرگودھا، ملتان، بہاولپور میں 220، کوئٹہ، سکھر اور لاڑکانہ میں 220، حیدرآباد اور بنوں میں 200 روپے فی کلو ہے۔ گزشتہ ہفتے پیاز کی زیادہ سے زیادہ فی کلو قیمت 260 روپے تک تھی۔