راولپنڈی(اپنے سٹاف رپورٹر سے)سٹی ٹریفک پولیس راولپنڈی کے ون ونڈو لائسنسگ ہال کو مستقبل کی ضروریات سے ہم آہنگ کرنے کیلئے تزین و آرائش اور وسعت کا کام تیزی سے جاری ہے۔جدید سہولیات سے لیس ون ونڈو لائسنسنگ ہال  کا کام  جلد مکمل ہونے جا  رہا ہے۔یہ ہال عوام کو بہتر سہولیات فراہم کرنے، لائسنس سے متعلق خدمات کے حصول میں آسانی کو یقینی بنانے کے بنیادی مقصد کے ساتھ ڈیزائن کیا گیا ہے۔نئی لائسنس عمارت کشادہ اور جدید انفراسٹرکچر، عوام کی بڑھتی ہوئی ضروریات کو موثر انداز میں پورا کرنے کے لیے وسیع اور جدیدطرزِ تعمیر کی حامل ہو گی۔