گورنمنٹ گریجویٹ کالج سیٹلائیٹ ٹائون نے گریجویٹ کالج اٹک کو 1-3سے ہرا دیا

راولپنڈی (سٹاف رپورٹر)دوسری ہائر ایجوکیشن ڈیپارٹمنٹ پنجاب سپورٹس چیمپئن شپ 2023-2024 میں میونسپل کارپوریشن کے  فٹبال گرائونڈ راولپنڈی میں ڈویژن سطح کے مقابلے ہوئے جس میں چاروں اضلاع کی فٹبال ٹیموں نے حصہ لیا۔ فائنل گورنمنٹ گریجویٹ کالج سیٹلائیٹ ٹائون  اورگورنمنٹ گریجویٹ کالج اٹک کے درمیان کھیلا گیا۔ فائنل میچ گورنمنٹ گریجویٹ کالج سیٹلائیٹ ٹان راولپنڈی کی ٹیم نے گورنمنٹ گریجویٹ کالج اٹک سے 1-3کے سکور سے جیت کر ڈویژن کی سطح پر پہلی پوزیشن حاصل کی۔ ان مقابلوں کی میزبانی گورنمنٹ ایسوسی ایٹ کالج فتح جنگ نے کی۔ تمام شرکا نے ہائر ایجوکیشن ڈیپارٹمنٹ اور ڈویژنل ڈائریکٹر، ڈپٹی ڈائریکٹر اور اسسٹنٹ ڈائریکٹر سپورٹس کی کاوشوں کو سراہا۔ گورنمنٹ گریجویٹ کالج سیٹلائیٹ ٹان راولپنڈی کی فٹبال ٹیم آیندہ ہونے والے صوبائی سطح کے مقابوں میں راولپنڈی ڈویژن کی نمائندگی کرے گی۔