سڈنی کے ایکیوریم میں موجود بگسی نامی یہ آکٹوپس ماضی میں بھی متعدد مقابلوں سے متعلق کامیاب  پیشگوئیاں کرچکا ہے ۔ آکٹوپس کے سامنے موجودہ وزیراعظم جولیا گلارڈ اور ان کے قریب ترین حریف ٹونی ابوٹ کی تصاویر والے بکس رکھے گئے تھے ۔ آکٹوپس نے کافی ہچکچاہٹ کے بعد آخر کار جولیا گلارڈ کے حق میں فیصلہ سنا دیا ۔ دوسری جانب مقامی تجزیہ نگار بھی جولیا گلارڈ کی کامیابی کے لیے ُپر امید ہیں ۔ دونوں امیدواروں کے درمیان پہلا مباحثہ اتوار کو منعقد ہو رہا ہے ۔