کراچی(اسپورٹس ڈیسک) انڈر 18 اسنوکر چمپیئن نسیم اختر نے بلاول بھٹو کی جانب سے ان کے تعلیمی اخراجات برداشت کرنے کے اعلان پر خوشی کا اظہار کرتے ہوئے کہا ہے کہ مجھے خوشی ہے پی پی پی چیئرمین نے میرے تعلیمی اخراجات اٹھانے کی پیش کش کی ہے۔یاد رہے کہ نسیم اختر اسنوکر میں جونیئر چمپیئن بننے والے پہلے پاکستانی ہیں۔ جنہوں نے انٹرنیشنل بلیئرڈز اینڈ اسنوکر فیڈریشن(آئی بی ایس ایف)ورلڈ انڈر 18 اسنوکر چیمپئن شپ کے فائنل میں چین کے کھلاڑی پی فن لی کو نو فریم پر مشتمل فائنل میچ میں 3-5 سے کامیابی سمیٹ کر پاکستان کو اسنوکر میں ایک بڑا اعزاز دلایا تھا۔