نوازشریف بیماراہلیہ کوچھوڑ پاکستان کے عوام کیلئے واپس آئے ہیں، پورایقین ہے نون لیگ واضح برتری حاصل کرےگی:حمزہ شہبازشریف

گوجرانوالہ میں جلسے سے خطاب کرتے ہوئے حمزہ شہبازشریف کا کہنا تھا کہ مسلم لیگ نون کے امیدواروں کی نیب میں پیشیاں ہورہی ہیں، نوازشریف کےخلاف کرپشن ثابت نہیں ہوئی، نوازشریف بیماراہلیہ کوچھوڑ پاکستان کے عوام کیلئے واپس آئے ہیں، مسلم لیگ نون کودیوارسے لگایاجارہاہے،عوام 25جولائی کوووٹ دے کر جیل کاپھاٹک توڑ دیں گے۔پورایقین ہے نون لیگ واضح برتری حاصل کرےگی ، 25 جولائی کو عوام کی عدالت اپنا فیصلہ سنائے گی. حمزہ شہباز نے عمران خان کو تنقید کا نشانہ بناتے ہوئے کہا کہ عمران خان نے 5 سال کنٹینر پر گزار دیئے اور صرف الزامات کی سیاست کی، اپنے صوبے میں ایک ڈیم نہ بناسکے.ان کا کہنا تھا کہ نون لیگ کی حکومت نے11 ہزار میگاواٹ بجلی سسٹم میں شامل کی۔