آئی سی سی ویمن چیمپئن شپ‘ پاکستان‘ آسٹریلیا اکتوبر میں کھیلیں گے

لاہور(سپورٹس رپورٹر+نمائندہ سپورٹس) آئی سی سی ویمن کرکٹ چیمپئن شپ میں پاکستان اور آسٹریلیا کی ویمن ٹیموں کے درمیان سیریز اکتوبر میں ملائیشیا میں کھیلی جائےگی۔ سیریز کا میزبان پاکستان ہے ‘ا تربیتی کیمپ ستمبر میں لگایا جائےگا۔ پاکستان خواتین کرکٹ ٹیم کی آسٹریلیا کیخلاف ہوم سیریز14 اکتوبر سے شروع ہو گی۔ 30 اکتوبر تک کھیلی جانیوالی سیریز میں تین ون ڈے اور تین ٹی ٹونٹی میچز کھیلے جائیں گے۔ پاکستان اور آسٹریلیا کی ٹیمیں سیریز کے بعد ویسٹ انڈیز روانہ ہوں گی۔ پاکستان ویمن ٹیم کا کنڈیشنگ کیمپ ستمبر میں لگایا جائےگا۔سیریز سے قبل ایک ہفتے کا کیمپ کوالالمپور میں لگایا جائےگا۔ پی سی بی نے تجرباتی بنیادوں پر سیریز کی میزبانی ملائیشیا کو دی ہے تاہم پی سی بی نے سینئر ٹیم کے سیریز ملائیشیا میں نہ کروانے کا فیصلہ کیا ہے۔