ملتان، ٹاٹے پور (خبر نگار خصوصی، نامہ نگار) شہر و گرد و نواح کے مختلف علاقوں میں گزشتہ روز بھی ہلکی بارش ریکارڈ کی گئی بارش کے بعد حبس بڑھ گیا جبکہ محکمہ موسمیات کی پیش گوئی کے مطابق آج بھی موسم جزوی طور پر ابر آلود رہنے و گرج چمک کے ساتھ بارش ہونے کا امکان ہے۔ جمعرات کے روز ملتان میں درجہ حرارت زیادہ سے زیادہ 39.1 کم سے کم 30.7 کوٹ ادو زیادہ سے زیادہ 39.5 کم سے کم 30.2 کروڑ لعل عیسن زیادہ سے زیادہ 39 کم سے کم 30 درجے سینٹی گریڈ ریکارڈ کیا گیا۔ گزشتہ روز ٹاٹے پور اور اس کے نواحی علاقوں میں موسلادھار بارش ہوئی جس سے پڑنے والی شدید گرمی کا زور ٹوٹ گیا اور موسم خوشگوار ہو گیا۔