عید پر مسکینوں، بیوائوں اور غریبوں کا خاص خیال رکھیں:سعدیہ سہیل رانا 

لاہور(لیڈی رپورٹر) تحریک انصاف کی رکن پنجاب اسمبلی سعدیہ سہیل رانا نے کہا ہے کہ قوم عید کی موقع پر کرونا ایس او پیز کے ساتھ مسکینوں، بیوائوں اور غریبوں کا خاص خیال رکھیں۔ کرونا ایس او پیز پر عملدرآمد کر کے ہی اس وبا پر قابو پایا جا سکتا ہے انہوں نے کہا کہ ہم سب کو ایثار، بھائی چارے اور اتحاد کے جذبے سے کام لیتے ہوئے ذاتی انا اور مفادات کی قربانی دے کر پاکستان کی ترقی اور عوام کی خوشحالی کے لئے کام کرنے کی ضرورت ہے ۔انہوں نے کہا اتحاد اور ایثار وقت کی اہم ترین ضرورت ہے۔ پاکستان ہے تو ہم سب ہیں، ملک و قوم کو آگے لے کر جانے کے لئے ’’میں‘‘ کی روش چھوڑ کر ’’ہم‘‘ کا راستہ اپنانا پڑے گا۔ خلق خدا کی خدمت اور عوام کو اپنی خوشیوں میں شریک کرنا ہی عید کا اصل پیغام ہے۔