لاہور(سپورٹس رپورٹر)  ایتھلیٹکس فیڈریشن پاکستان  نے ایتھلیٹ ارشد ندیم کے اعزاز میں الوداعی تقریب کا انعقاد کیا۔ایتھلیٹکس فیڈریشن پاکستان کے صدر اکرم ساہی اور سیکریٹری محمد ظفر نے شرکت کی ۔ایتھلیٹ ارشدندیم اپنے کوچ فیاض بخاری کے ہمراہ تقریب میں شریک ہوئے۔ ایتھلیٹکس فیڈریشن پاکستان کے صدر اکرم ساہی نے کہا کہ ارشدندیم کیلئے نیک خواہشات کا اظہار کرتے ہیں ۔ارشد ندیم کا کوالیفائی کرنا ایتھلیٹکس فیڈریشن کی نہیں پاکستان کی کامیابی ہے ۔ارشدندیم نے بھرپور تیاری کی ہے کامیابی کے لئے دعا گو ہیں ۔ارشد ندیم میڈل کی امید ہے وہ پاکستان کے لئے میڈل لانے کے لئے پر امید ہے ۔اس موقع پر ارشد ندیم نے کہا کہ تیاری اچھی ہے مکمل فٹ اور فارم میں ہوں ۔میرا مورال بلند ہے ورلڈ ریکارڈ قائم کرنا ہدف ہے ۔جبکہ کوچ فیاض بخاری نے کہا کہ ارشد ندیم نے اولمپک کے لئے دن رات محنت کی ہے قوم کی دعاوں کی ضرورت ہے ۔