عیدالضحی پرصفائی آپریشن،گوجرانوالہ ویسٹ مینجمنٹ کمپنی کے تمام عملہ کی چھٹیاں منسوخ

گوجرانوالہ(نمائندہ خصوصی)گوجرانوالہ ویسٹ مینجمنٹ کمپنی نے عیدالضحی پرآلائشوں کو بروقت ٹھکانے لگانے اور صفائی آپریشن کو بلا تعطل جاری رکھنے کے لیے تمام افسران، صفائی عملہ، ورکشاپ، لینڈفل سائٹ عملہ اور مانیٹرنگ افسران کی عید کی چھٹیاں منسوخ کردیں۔ عیدقربان پرگوجرانوالہ ویسٹ مینجمنٹ کمپنی کا عملہ اور مشینری شہر  کے تمام علاقوں، گلی محلوں میں جاکرآلائشوں کو اٹھائے گا، شہری اپنے ادارے سے تعاون کریں۔ چیف ایگزیکٹو آفیسر جی ڈبلیو ایم سی عتیق الرحمن نے عوام الناس سے اپیل کی ہے کہ قربانی کی سعادت اور ادائیگی کے ساتھ ساتھ شہرکی صفائی برقرار رکھنا ہم سب کی زمہ داری ہے۔