ڈیرہ اللہ یار(نامہ نگار)ڈیرہ اللہ یار میں مبینہ  پولیس مقابلے میں  ڈاکو ہلاک ہوگیاجبکہ  پولیس اہلکار سمیت دو افراد زخمی ہوگئے ۔تفصیلات  کے مطابق تھانہ سہنی پور کے مقام پر ڈاکو ایک شخص سے موٹرسائیکل چھین کر فرار ہو رہے تھے کہ فوری اطلاع پر پولیس جائے وقوع پر پہنچ گئی اور مقامی افراد نے پولیس کے ساتھ مل کر مسلح ملزمان کا تعاقب کیا تو کچی بند کے قریب پولیس اور ملزمان کے مابین فائرنگ کا تبادلہ ہوا جسکے باعث ایک  ڈاکو ہلاک  ہوگیا جسکی شناخت خلیل کے نام سے ہوئی تاہم ڈاکوؤں کی فائرنگ  سے  پولیس اہلکار ہزار خان اورایک شخص سکندر مگسی زخمی ہوگئے پولیس نے  پستول اورچھینی گئی  موٹرسائیکل برآمد کرلی ۔