لاہور(سپورٹس رپورٹر) ایمرجنگ ایشیا کپ میں بھارت نے پاکستان کو 8 وکٹوں سے شکست دے دی۔کولمبو میں کھیلے گئے میچ میں پاکستان اے کی ٹیم 48 اوورز میں 205 رنز پر آئوٹ ہوگئی۔قاسم اکرم 48 رنز‘صاحبزادہ فرحان 35 ‘ مبصر خان 28 رنز بناکر نمایاں رہے۔ صائم ایوب صفر پر چلتے بنے۔ راج وردھن نے پانچ کھلاڑیوں کو پویلین کی راہ دکھائی۔ بھارت اے نے 206 رنز کا ہدف 36.4 اوورز میں 2 وکٹوں پر حاصل کرلیا۔سائے سدھرسن نے ناقابل شکست 104 رنز کی اننگز کھیلی، نکن جوز 53 رنز بنا کر نمایاں رہے۔ مہران ممتاز اور مبصر خان ایک، ایک وکٹ حاصل کرسکے۔