ننکانہ : گھر میں کھیلتے ہوئے 3 سالہ  بچی کرنٹ لگنے سے جاں بحق 

ننکانہ صاحب(نامہ نگار ) گھر میں کھیلتے ہوئے تین سالہ بچی کرنٹ لگنے سے جاں بحق ہوگئی۔ تفصیلات کے مطابق پنڈ مانگٹانوالہ کے رہائشی عارف کی تین سالہ بیٹی فروا گھر میں کھیل رہی تھی کہ اچانک اسکو فرشی پنکھے سے بجلی کا زوردار جھٹکا لگا ، اطلاع پا کر ریسکیو 1122 کے عملہ نے وہاں پہنچ کر متاثرہ بچی پر فوری سی پی آر اپلائی کیا مگر وہ جانبر نہ ہو سکی ریسکیو عملہ نے بچی کی نعش ضروری کارروائی کے بعد لواحقین کے حوالے کر دی۔