فیروز والہ : قاتل ڈکیٹ گینگ کا سرعنہ ساتھی سمیت گرفتار‘15وارداتوں کا انکشاف

 فیروزوالہ( نامہ نگار )تھانہ فیکٹری ایریا پولیس نے جدوجہد کر کے خطرناک تین رکنی قاتل ڈکیت گینگ سرعنہ آصف عرف آصفو کو ساتھی سمیت گرفتار کر لیا ڈاکوؤں نے ابتدائی  تفتیش میں قتل کی ایک جبکہ ڈکیتی اورراہزنی کی 15 وارداتوں کا انکشاف کیا۔ ڈاکووں نے دو پٹرول پمپ بھی لوٹے ڈاکووں نے دران واردات پٹرول پمپ کے کیشیر کو بھی قتل کرنے کا اعتراف کر لیا۔ملزموں کا ساتھی عباس فرار ہو گیا جس کی گرفتاری کیلئے پولیس جدوجہد کر رہی ہے۔ ڈاکوؤں سے لوٹی ہوئی رقم بھی برآمد کر لی ‘ تینوں ڈاکو آپس میں گہرے دوست بتائے گئے ہیں۔ پولیس نے ڈاکووں کیخلاف مقدمات درج کر کے عدالت میں پیش کر کے جسمانی ریمانڈ حاصل کر لیا ۔