لاہور(سپورٹس رپورٹر)امریکہ میں جاری میجر لیگ میچ کے دوران جنوبی افریقی بائولر سر پر گیند لگنے سے شدید زخمی ہوگئے۔میچ کے دوران سان فرانسسکو یونیکورنز کے جنوبی افریقی بائولر کارمی لی روکس کی گیند پر انکے ہم وطن سیئٹل اورکاس کے بلیباز ریان رکلیٹن نے ایک شارٹ کھیلا جس کے باعث گیند سیدھی بائولر کے سر پر لگی اور خون بہنے لگا۔بائولر کو فوری امداد فراہم کرنے کیلئے میدان سے باہر لے جایا گیا تاہم واقعہ کے بعد بائولر ہوش میں تھے جسکی وجہ سے سنجیدہ نوعیت کی انجری سے بچ گئے۔