لاہور(سپورٹس رپورٹر پاکستان شاہینز  نے اپنے بیٹرز کی شاندار کارکردگی کی بدولت بنگلہ دیش اے کیخلاف پہلے چار روزہ میچ کے پہلے دن اپنی پہلی اننگز میں2وکٹوں کے نقصان پر375  رنز بنائے تھے۔ محمد ْہریرہ161 رنز بناکر ناٹ آؤٹ ہیں۔ انہوں نے پہلی تین وکٹوں کیلئے صاحبزادہ فرحان‘ عمرامین اور کامران غلام کیساتھ سنچری پارٹنرشپ بھی قائم کی۔ڈارون کے ڈی ایکس سی ایرینا میں کھیلے جانے والے  میچ میں بنگلہ دیش اے نے ٹاس جیت کر پاکستان شاہینز کو بیٹنگ دی۔ کپتان صاحبزادہ فرحان اور محمد ہریرہ نے پہلی وکٹ کی شراکت میں 134 رنز کے ذریعے ٹیم کو ْپراعتماد آغاز فراہم کیا۔22 سالہ محمد ہریرہ نے 203 گیندوں پر 161 رنز کی اننگز کھیلی جس میں ایک چھکا اور 18 چوکے شامل تھے۔ یہ فرسٹ کلاس کرکٹ میں ان کی9 ویں سنچری ہے۔وہ فرسٹ کلاس کرکٹ میں ٹرپل سنچری بھی بناچکے ہیں۔صاحبزادہ فرحان دس چوکوں کی مدد سے 66  رنز بناکر آؤٹ ہوئے۔محمد ہریرہ نے عمرامین کیساتھ دوسری وکٹ کی شراکت میں 118  رنز کا اضافہ کیا۔ عمرامین آٹھ چوکوں کی مدد سے54 رنز بناکر آؤٹ ہوئے۔محمد ہریرہ اور کامران غلام کے درمیان تیسری وکٹ کی شراکت میں 123 رنز بنے۔کامران غلام 74 رنز پر ناٹ آؤٹ ہیں۔بنگلہ دیش اے کی جانب سے ریپون مونڈل نے 2  وکٹیں حاصل کیں۔واضح رہے کہ پاکستان  شاہینز آسٹریلیا کے دورے پر ہے۔