اوپن یونیورسٹی خزاں  سمسٹر  میٹرک انٹرمیڈیٹ کے داخلوں کی آخری تاریخ5ستمبر  ‘ہائر سٹڈیز کی 20اگست 

لاہور (لیڈی رپورٹر ) علامہ اقبال اوپن یونیورسٹی ریجنل کیمپس لاہور کے ریجنل ڈائریکٹر امان اللہ ملک کے بیان کے مطابق علامہ اقبال اوپن یونیورسٹی کے سمسٹر خزاں 2024(فیز1)کے داخلے میں میٹرک،  انٹرمیڈیٹ پروگرامز اور سرٹیفکیٹ کورسز میں داخلے جمع کروانے کی آخری تاریخ5ستمبر مقرر ہے جبکہ پی ایچ ڈی،ایم فل،ایم ایس،ایم بی اے اور بی ایس پروگرامز میں آن لائن داخلہ جمع کروانے کی آخری تاریخ 20اگست ہے۔جاری طلباء اگلے سمسٹر کی کورس انرولمنٹ بذریعہ CMS آن لائن12ستمبر تک کر وا سکتے ہیں۔ مزید معلومات یونیورسٹی ویب سائٹ یا ریجنل آفس لاہورکے فون نمبر04299333578  پر بھی رابطہ کر سکتے ہیں۔