شیخوپورہ، قصور، سیالکوٹ میں مبینہ مقابلے، 3 خطرناک ملزم ہلاک

شیخوپورہ+ قصور+ سیالکوٹ (نمائندگان) برآمدگی کیلئے جاتے ہوئے مبینہ پولیس مقابلوں کے دوران 3 خطرناک ملزم اپنے ہی ساتھیوں کی فائرنگ سے ہلاک ہو گئے۔ تفصیلات کے مطابق شیخوپورہ تھانہ ہاؤسنگ کالونی کے علاقہ سبزی منڈی پر مبینہ پولیس مقابلہ میں زیر حراست خطرناک ملزم گلفام عرف بکرا اپنے ساتھیوں کی فائرنگ سے ہلاک ہو گیا۔ قصور کے تھانہ مصطفی آباد کے علاقہ رائے خورد کے قریب دیہاتیوں اور ڈاکوؤں کے درمیان فائرنگ کا تبادلہ ہوا۔ فائرنگ سے ہلاک ہونے والے ڈاکو کی شناخت رضوان کے نام سے ہوئی۔ سیالکوٹ کے تھانہ نیکاپورہ کے علاقے میں قتل اور زنا بالجبر کا خطرناک ملزم قیصر ہلاک ہو گیا۔