کئی گھروں میں لاکھوں کے ڈاکے، کاریں اور موٹرسائیکلیں  چوری 

لاہور(نامہ نگار) ڈاکوؤں اور چوروں نے متعدد وارداتوں میں شہریوں سے لاکھوں روپے مالیت کی نقدی، زیورات،موبائل فون، موٹر سائیکلیں،گاڑیاں اوردیگرسامان لوٹ لیا۔ تفصیلات کے مطابق   ڈاکوؤں نے ماڈل ٹاؤن کے علاقے میں جواد کے گھر گھس کر اہلخانہ کو یرغمال بناکر5لاکھ 30ہزار مالیت کی نقدی،طلائی زیورات اوردیگر سامان،گڑھی شاہوکے علاقے میں عبداللہ اور اس کی فیملی کو  یرغمال بنا کر3 لاکھ20 ہزار روپے مالیت کی نقدی،زیورات اور موبائل فون،ہربنس پورہ کے علاقے میں عدیل سے ڈیڑھ لاکھ روپے اور موبائل فون،ہنجروال کے علاقے میں نذیر سے 52ہزار روپے اور موبائل فون،کاہنہ کے علاقے میں بابر سے50ہزار روپے اور موبائل فون،قائد اعظم انڈسٹریل اسٹیٹ کے علاقے میں شاہد سے 20 ہزار روپے اور موبائل فون،راوی روڈ کے علاقے میں ارشد سے 8ہزار روپے اور موبائل فون لوٹ لیا اورفرارہوگئے ہیں۔چوروں نے جوہر ٹاؤن کے علاقے میں احمد کی دکان کے تالے توڑ کر 5 لاکھ روپے مالیت کی نقدی اور سامان چوری کرلیا ۔چوروں نے ڈیفنس، گرین ٹاؤن اورباغبانپورہ کے علاقوں میں سے 3 گاڑیاں، چوہنگ کے علاقے میں سے رکشہ جبکہ مانگا منڈی، شفیق آباد، اسلام پورہ،شادباغ، باغبانپورہ، اچھرہ اور باٹا پور کے علاقوں میں سے7 موٹرسائیکلیں چوری کرلیں۔