کراچی کے علاقے قائد آباد کی بسم اللہ کالونی میں نامعلوم مسلح افراد نے ایک گھر میں گھس کراندھا دھند فائرنگ کردی جس سے خاتون سمیت تین افراد ہلاک ہوگئے ۔ جن میں پچھتر سالہ نذر محمد، بائیس سالہ ناصرعلی اورچالیس سالہ انوری بیگم شامل ہیں ۔ پولیس نے واقعہ کو ذاتی دشمنی کا نتیجہ قراردیا ہے۔ تینوں کی نعشیں جناح ہسپتال منتقل کردی گئی ہیں ۔ واقعہ کے بعد انوسٹی گیشن پولیس نے گھر کو سیل کرکے تحقیقات شروع کردی ہیں۔ ادھرلیاری کے علاقے کلاکوٹ میں نامعلوم افراد نے فائرنگ کرکے چھتیس سالہ محمد شفیق کو ہلاک کردیا جس کی لاش سول ہسپتال پہنچا دی گئی ہے۔ دیگر واقعات نارتھ کراچی اورماڑیپور میں پیش آئے جہاں نامعلوم ملزموں کی فائرنگ سے دو افرد ہلاک ہوگئے۔