کراچی اسٹیل موڑ پیپیری مارکیٹ پرواقع گیس ویلڈنگ کی دکان میں سلنڈر پھٹنے کے نتیجے میں دھماکہ ہوا جس کی آواز دور دور تک سنائی دی۔ بتایا گیا ہے کہ دکان کے مالک نے ایک گاڑی کی ڈینٹنگ کے لئے سلنڈرجلایا تو وہ دھماکے سے پھٹ گیا جس سے دکان مکمل طور پر تباہ ہوگئی جبکہ قریبی دکانوں کو بھی شدید نقصان پہنچا۔ دھماکے کےنتیجےمیں دلشان سنی اور حمزہ شدید زخمی ہوگئےجنہیں ملبے سے نکال ہسپتال پہنچایا گیا لیکن تیرہ سالہ حمزہ زخموں کی تاب نہ لاتے ہوئے دم توڑ گیا۔عینی شاہدین کے مطابق دھماکے کے بعد ایمبولینس دیر سے پہنچی اور مقامی افراد نے اپنی مدد آپ کے تحت زخمیوں کو ملبے سے نکالا۔
دھماکے کے نتیجہ بجلی کے تار بھی ٹوٹ گئے جو جائے وقوعہ پر بکھرے رہے اورمتعلقہ حکام ان کی درستگی کے لئے نہ پہنچے۔