لاہور (سپورٹس رپورٹر) ایبٹ آباد میں جاری تیسری پی ایچ ایف انٹر اکیڈمی ہاکی چیمپئن شپ میں مزید تین میچوں کا فیصلہ ہو گیا ہے ۔ ایبٹ آباد میں جاری انٹراکیڈمی ہاکی چیمپئن شپ میں گذشتہ روز پہلا میچ گوجرہ اور بہاولپور کی ٹیموں کے درمیان کھیلا گیا جس میں گوجرہ کی ٹیم نے ایک صفر سے کامیابی حاصل کی۔ دوسرا میچ بنوں اور کوئٹہ کی ٹیموں کے درمیان کھیلا گیا جس میں بنوں نے کوئٹہ کو صفر کے مقابلے دو گول سے مات دی۔ تیسرا میچ سیالکوٹ اور لاہور کی ٹیموں کے درمیان کھیلا گیا جو ایک ایک گول سے برابر رہا۔ چیمپئن شپ میں آج مزید دو میچزکھیلے جائیں گے جس میں پشاور کا مقابلہ فیصل آباد سے جبکہ کراچی II کا میزبان ایبٹ آباد کی ٹیم سے ہوگا۔