کراچی (آئی این پی )کراچی کے مختلف علاقوں میں رمضان کے آغاز میں ہی فائرنگ سے ایک جاںبحق اور 2 افراد زخمی ہوگئے ، جبکہ پولیس مقابلہ میں ایک ملزم ہلاک ہوگیا۔کراچی کے علاقے نیو کراچی میں فائرنگ سے ایک شخص جاںبحق ہوگیا۔ریسکیو ذرائع کے مطابق اورنگی ٹاون غازی آباد میں فائرنگ سے ایک شخص زخمی ہوگیا جب کہ سْرجانی ٹاون خدا کی بستی کے قریب فائرنگ سے بھی ایک شخص زخمی ہوا۔لیاری کے نپئیرروڈ پر پولیس مقابلہ ہوا جس میں ایک ملزم ہلاک ہوگیا اورمحمود آباد پولیس کی جانب سے بھی کارروائی کی گئی جس میں ایک غیر ملکی شخص گرفتار کیا گیا۔ پولیس کے مطابق گرفتار ملزم سے اسلحہ بھی برآمد کیا گیا ہے۔ اقبال مارکیٹ تھانہ پولیس کے مطابق اورنگی ٹاون سیکٹر ساڑھے گیارہ میں قبرستان کے قریب سے ایک شخص کی لاش ملی جس کی جیب سے شناختی کارڈ بھی ملا ہے جس میں اسکا نام منظور احمد درج تھا۔مقتول ناظم آباد کا رہائشی تھا۔پولیس کے مطابق مقتول کے ہاتھ باندھنے کے بعد اسے سر میں گولی مار کر قتل کیا گیا ہے۔