چیمپئینز ٹرافی کے فاتح کپتان کا کراچی میں شاندار استقبال،ائیر پورٹ پر شہر امڈ آیا

  چیمپنز ٹرافی میں بھارت کو فائنل میں ہرانے والی پاکستان کرکٹ ٹیم کے فاتح کپتان سرفراز احمد کاکہناہے کہ چیمپئنز ٹرافی میں فتح ،ٹیم اسپرٹ کا نتیجہ ہے،اہل وطن کو مبارک ہو،دعائیں رنگ لے آئیں۔چیمپئنزٹرافی کے فائنل میں بھارتی ٹیم کو عبرت ناک شکست دینے والے قومی ٹیم کے کپتان سرفراز احمدنے کراچی میں اپنی رہائش گاہ کے باہرمیڈیا سے گفتگو کرتے ہوئے کہا کہ ہم نے ہر شعبے میں اچھی کارکردگی دکھائی جس کی وجہ سے ٹیم کی فتح ہوئی۔ لڑکے جس طرح کھیلے ان کی جتنی تعریف کی جائے کم ہے، یہ پاکستان کرکٹ کے لیے اچھا اشارہ ہے۔انہوں نے کہا کہ بھارت کے ساتھ پہلے میچ میں لڑکے بہت دباو میں آگئے تھے۔ٹیم مینجمنٹ نے بہت محنت کی اور ٹیم نے کم بیک کیا۔سینئرزنے زبردست پرفارم کیا،آنے والے وقت میں مزید اچھی پرفارمنس دیں گے۔ایک سوال کے جواب میں انہوں نے کہا کہ بھارت سے شکست کے بعد ہماری فیلڈنگ، بیٹنگ، بولنگ سب میں بہتری آئی۔اچھی بات ہے کہ عوام ٹیم کو بہت زیادہ سپورٹ کرتی ہے.زیادہ سے زیادہ کوشش کررہے تھے کہ سوشل میڈیا سے دور رہیں۔سرفراز احمد اور رومان رئیس کراچی پہنچے جہاں ان کا شاندار استقبال کیا گیا۔کپتان سرفرازاحمد اور رومان رئیس ایئرپورٹ لاو¿نج سے باہر آئے تو گورنر سندھ زبیر احمد اور میئر کراچی وسیم اختر نے ان کا پرتپاک استقبال کیا اور انہیں گلدستے پیش کیے۔پھولوں کے ہار پہنائے اور اجرک پیش کی گئی۔ ا س موقع پر صوبائی وزیر کھیل اور دیگر وزرا موجود تھے۔قومی ہیرو کو دیکھ کر ایئرپورٹ پاکستان زندہ باد اور جیوے جیوے پاکستان کے نعروں سے گونج اٹھا۔لوگوں نے قومی ہیروز کے ساتھ تصاویر بنوائیں او رسیلفیاں لیں۔اس موقع پر سرفراز احمد کا کہنا تھا کہ کامیابی پر اللہ کا شکر ہے، بھارت کے خلاف فتح قوم کی دعاو¿ں اور ٹیم اسپرٹ کا نتیجہ ہے۔سرفرازاحمدکے ساتھ ان کے اہل خانہ بھی ان کے ساتھ کراچی پہنچے ہیں۔کراچی ایئرپورٹ پر استقبال کے لیے آئے گورنر سندھ نے میڈیا سے بات کرتے ہوئے کہا کہ فخرکی بات ہے کہ چیمپئنزٹرافی پوری قوم کے لئے رمضان کاتحفہ ہے، کراچی کاکھلاڑی قومی ٹیم کی قیادت کررہاہے۔محمد زبیر کا کہنا تھا کہ پی ایس ایل کی وجہ سے قومی ٹیم کانیاٹیلنٹ سامنے آیا،پی ایس ایل کااگلافائنل کراچی میں ہوگا.اگرنہیں ہواتم ہم چھین کرلیں گے۔