گریجوایشن مکمل ،نہیں معلوم آگے کیا ہو،فی الحال نیٹ فلیکس اور نیند پوری کروں گی :ملالہ

لندن(عارف چودھری) پاکستان کی نوبل انعام یافتہ ملالہ یوسف زئی نے گریجوایشن مکمل کرلی، ڈگری مکمل ہونے پر گھر میں ایک چھوٹی سی تقریب رکھی گئی۔سماجی رابطے کی ویب سائٹ ٹویٹر پر انہوں نے گریجوایشن کے بعد منائے گئے جشن کی تصاویربھی شیئر کی ہیں جو نیک تمناوں کے پیغامات کے ساتھ وائرل ہورہی ہیں۔ ملالہ نے کہا کہ آکسفورڈ یونیورسٹی سے فلسفہ، سیاسیات اور معاشیات پر ڈگری لینے کے بعد اس خوشی کو بیان کرنا بہت مشکل ہے،نہیں معلوم آگے کیا ہونا ہے، فی الحال نیٹ فلیکس اور نیند پوری کروں گی۔