دوسرا ٹیسٹ :کوئنٹن ڈی کاک نروس نائنٹیز کا شکار‘ جنوبی افریقہ 298رنز پر آئوٹ 

لاہور (سپورٹس ڈیسک) جنوبی افریقہ کی ٹیم ویسٹ انڈیز کے خلاف سیریز کے دوسرے ٹیسٹ میچ کی پہلی اننگز میں 298رنز بناکر آئوٹ ہو گئی ۔ کپتان ڈین ایلگر 77‘کوئنٹن ڈی کاک 97رنز بناکر نمایاں رہے ۔ کیمار روئچ اور کائل میئرز نے تین تین کھلاڑیوں کو آئوٹ کیا ۔ جواب میںمیزبان ویسٹ انڈیز کی پہلی وکٹ صفر پر گر گئی ۔ کپتان کریگ براتھویٹ بغیر کوئی رن بنائے پویلین لوٹ گئے ۔ انہیں کاگیسو رباد ا کی گیند پر کوئنٹن ڈی کاک نے کیچ آئوٹ کیا ۔