لاہور : مدرسے میں طالب علم کے ساتھ مبینہ زیادتی کے ملزم مفتی عزیزالرحمان کا ایک اور بیٹا گرفتار کرلیا گیا ہے ۔
تفصیلات کے مطابق پنجاب پولیس کی جانب سے طالب علم کے ساتھ مبینہ زیادتی کے ملزم مفتی عزیزا لرحمان اوران کے ایک بیٹے کی گرفتاری پہلے ہی ہوچکی ہے، مفتی عزیزالرحمان کو میانوالی جبکہ ان کے ایک بیٹے الطاف الرحمان کو لکی مروت سے گرفتار کیا گیا ۔ جبکہ دوسرے بیٹے کی گرفتاری کے لیے چھاپے مارے جارے تھے ۔
پولیس نے اطلاع ملنے کے بعد لاہور کے علاقے کاہنہ کے ایک مدرسے پر چھاپہ مارکر مفتی عزیزالرحمان کے دوسرے بیٹے کو بھی گرفتار کرلیا ۔
لاہورپولیس کی جانب سے دیگر ملزموں لطیف الرحمان اور عبداللہ کی گرفتاری کےلیے بھی چھاپے مارے جارہے ہیں ۔ پولیس کی جانب سے کل ملزموں کو عدالت میں پیش کیے جانے کا امکان ہے۔
