حافظ آباد(نمائندہ خصوصی+ نامہ نگار) سابق وزیر اعظم بے نظیر بھٹو کی 69ویں سالگرہ کی تقریب ڈسٹرکٹ بار میں 21جون بروز منگل منعقد ہوگی۔اس سلسلہ میں تقریب کا بھی انعقاد کیا جائے گا جس میں پیپلز پارٹی وویمن ونگ کی ضلعی صدر خالدہ شاہد ایڈووکیٹ، پی پی پی کے ضلعی رہنما، سابق صدر بارمحمد ارشد مہند ایڈووکیٹ، معظم حیات بھون ایڈووکیٹ، سرفراز ارشد ایاز چیمہ ایڈووکیٹ سمیت دیگر وکلاء رہنما بھی خطاب کریں گے۔ اس موقع پرقران خوانی کی جائے گی اور محترمہ بے نظیر بھٹو کے درجات کی بلندی اور ملک پاکستان کی سلامتی کے لیے خصوصی دُعا بھی کی جائے گی جب کہ سالگرہ کا کیک کاٹا جائے گا۔