لاہور(نامہ نگار) ڈیفنس سی کے علاقے میں رشتے کے تنازعہ پر لڑائی جھگڑے کے دوران ملزم نے سر پرکٹ بیٹ مارمار کر 25 سالہ نوجوان کو ہلاک کر دیااور فرار ہو گیا ہے۔ تفصیلات کے مطابق ڈیفنس سی کے علاقے چرڑ پنڈ میں 25 سالہ نزاکت کا اپنے کزن کے ساتھ رشتے کے تنازعہ پر جھگڑاچل رہا تھا۔گزشتہ روز ملزم نے نزاکت کو کرکٹ بیٹ سے سر پر متعدد وار کرکے شدید زخمی کردیا اور فرار ہو گیا ہے ۔ زخمی نوجوان کو طبی امداد کیلئے ہسپتال منتقل کیا گیا، مگروہ جانبر نہ ہوسکا۔ پولیس نے نعش پوسٹ مارٹم کیلئے مردہ خانے منتقل کرکے تفتیش شروع کردی ہے۔ سی سی پی او لاہور بلال صدیق کمیانہ نے واقعہ کا نوٹس لیتے ہوئے ایس پی کینٹ سے رپورٹ طلب کرلی ہے۔ بلال صدیق کمیانہ نے ملزمان کی فوری گرفتاری اورمیڈیکل رپورٹ و شواہد کی روشنی میں فوری کارروائی کا حکم دیا ہے۔