ملتان (نمائندہ نوائے وقت) پاکستان پیپلزپارٹی پی ڈی ایم کے مشترکہ امیدوار سلمان نعیم کی آج سے بھرپور کمپین کا آغاز کر رہی ہے۔ ان خیالات کا اظہار سابق وزیراعظم سید یوسف رضا گیلانی نے گیلانی ہاوس میں صوبائی حلقہ 217 کے ضمنی انتخابات کے حوالے سے پیپلزپارٹی کے ہونے والے اجلاس میں سلمان نعیم کی حمایت کا اعلان کرتے ہوئے کیا۔ اس موقع پر صوبائی حلقہ 217 سے تعلق رکھنے والی پیپلزپارٹی خواتین ونگ جنوبی پنجاب کی سینئر نائب صدر راضیہ رفیق، پی وائی او ملتان ڈویژن کے صدر ملک ندیم اختر، پی وائی او ملتان سٹی کے صدر محمد علی نومی بھٹہ بڑے جلوس کے ہمراہ اجلاس میں شریک ہوئے اور سلمان نعیم کی بھرپور حمایت کا اعلان کیا اس موقع پر سلمان نعیم نے اپنے خیالات کا اظہار کرتے ہوئے کہا کہ میں پیپلزپارٹی کی اعلیٰ قیادت خاص طور سید یوسف رضا گیلانی اور اپنے بڑے بھائی سید علی موسیٰ گیلانی کا مشکور ہوں کہ اور میں ملک ارشد قابل بھٹہ کا بھی مشکور ہوں کہ وہ میرے حق میں دستبردار ہوئے۔ پیپلزپارٹی نے جو محبت مجھے آج دی ہے یہ ہمیشہ یاد رکھوں گا اور آپ کے تعاون سے اللہ پاک نے مجھے فتح سے ہمکنار کیا تو میرا دروازہ ہمیشہ پیپلزپارٹی کے کارکنوں کیلئے کھلا رہے گا۔
سلمان نعیم