iجیالے اوچھے ہتھکنڈوں  کے سامنے کبھی جھکے ہیں نہ جھکیں گے:پی پی 

کوئٹہ(بیورورپورٹ)  پیپلز پارٹی ضلع مستونگ کی جنرل باڈی کا اجلاس ضلعی صدر حاجی ضیا ء الحق ابابکی کی صدارت میں ضلعی سیکرٹریٹ مستونگ میں ہوا اجلاس کی کارروائی ضلعی جنرل سیکرٹری میر لونگ خان سارنگزئی نے انجام دی تلاوت کلام پاک کی سعادت مدثر عزیز شاہوانی نے حاصل کی اجلاس سے خطاب کرتے ہوئے پیپلز پارٹی کے ضلعی اور سنیئر رہنماؤں نے کہا کہ بھٹو ازم کے جیالے ایسے اوچھے ہتھکنڈوں سے نہ پہلے کبھی جھکے ہیں اور نہ جھکیں گے اور ڈٹ کر مقابلہ کرنے کی سکت رکھتے ہیں بھٹو ازم  کو گھرگھر پہنچانے میں اپنی تمام تر صلاحیتوں کو بروئے کار لانے کے لئے ہمہ وقت تیار ہیں۔اجلاس میں صدر حاجی ضیا الحق ابابکی جنرل سیکرٹری میر لونگ خان سارنگزئی انفارمیشن سیکریٹری ٹکری احترام الحق شاہوانی سنیئر نائب صدر میر حفیظ اللہ  نائب صدر سردار محمد موسی بھٹو صوبائی ڈپٹی کوآرڈینیٹر پروفیسر اقبال بنگلزئی سنیئر رہنما حاجی مہراب خان بنگلزئی ضلعی جنرل ڈپٹی جنرل سیکریٹری حاجی عبدالمالک شاہوانی میڈیا کوآرڈنیٹر عظیم پروانہ فنانس سیکریٹری آغا رحمت اللہ شاہ جیلانی پیپلز یوتھ کے ضلعی صدر ٹکری مجیب الرحمن شاہوانی تحصیل صدر ثناء اللہ ابابکی جنرل سیکرٹری محمد مراد رودینی اقلیتی ونگ کے صوبائی نائب صدر الیاس بھٹی سنیئر رہنما محمد ہاشم پی ایس ایف مستونگ کے رہنما افنان بلوچ و دیگرنے خطاب کیا۔