نارنگ منڈی (نمائندہ نوائے وقت) کراچی براستہ نارنگ سیالکوٹ جانے والی علامہ اقبال ایکسپریس خوفناک حادثے سے بال بال بچ گئی۔ بوگی پٹڑی سے اتر گئی۔ متعدد زخمی ہو گئے۔ علامہ اقبال ایکسپریس بدوملہی کے قریب ہچکولے کھاتے ہوئے زوردار سے دھماکے سے اتر گئی اور ٹرین کے پہیے دوسری طرف مڑ گئے۔ خوف کی وجہ سے مسافروں نے چلتی ٹرین سے چھلانگیں لگا دیں جس سے متعدد مسافر زخمی ہوئے تاہم کوئی بھاری نقصان نہیں ہوا۔ پٹڑی سے ٹرین اترنے کی وجہ سے چھ سے سات گھنٹے تک ٹرینوں کی آمدورفت معطل رہی۔ مسافروں نے میڈیا سے گفتگو کرتے ہوئے کہا بوگی میں پہلے ہی نقص تھا لیکن اس کے باوجود ریلوے حکام نے معمولی نقص کو نظر انداز کیا، ریلوے کی سستی، کوتاہی کی وجہ سے بڑا حادثہ رونما ہو سکتا ہے۔