حجرہ شاہ مقیم میں مبینہ پولیس مقابلہ‘ 2 ڈاکو ہلاک‘ 3 فرار

اوکاڑہ (نامہ نگار) تھانہ حجرہ شاہ مقیم کی حدود میں مبینہ پولیس مقابلہ دو ڈاکو ہلاک، تین فرار۔ بتایا گیا ہے پولیس زیرحراست ملزم اسامہ عرف کالی کو ساتھی ملزم کی نشاندہی اور ریکوری کے لیے لے کر جا رہی تھی کھرل کلاں کے قریب چار نامعلوم ملزموں نے ساتھی کو چھڑوانے کیلئے فائرنگ کر دی۔ پولیس نے بھی جوابی فائرنگ کی اور ساتھیوں کی فائرنگ سے اسامہ عرف کالی اور ایک نامعلوم ڈاکو موقع پر ہی مارا گیا۔ پولیس نے جائے وقوعہ سے اسلحہ برآمد کر لیا۔ پولیس کے مطابق ہلاک ملزم اسامہ عرف کالی پینسٹھ سے زائد سنگین مقدمات میں ریکارڈ یافتہ تھا۔ پولیس کی بھاری نفری نے علاقے کو گھیرے میں لے لیا اور ڈاکوؤں کی تلاش شروع کر دی ہے۔