شیخوپورہ(نمائندہ خصوصی) ڈی پی او شیخوپورہ زاہد نواز مروت کی ہدایت پر جرائم پیشہ افراد کےخلاف چلائی جانیوالی مہم کے دوران انچارج سی آئی اے شیخوپورہ انسپکٹر نصیر احمد خان نے ڈی ایس پی سی آئی اے عدنان بخاری کی نگرانی میں ٹیم کے ہمراہ کارروائی کرتے منشیات فروش بلال عرف بلالی کو گرفتار کر لیا اور اسکے قبضہ سے اڑھائی کلو چرس برآمد کرکے مقدمہ درج کر لیا۔ انچارج سی آئی اے انسپکٹر نصیر احمد خان کا کہنا تھا کہ منشیات فروشی، ڈکیتی، راہزنی جیسی وارداتوں میں ملوث ملزمان کسی رعایت کے مستحق نہیں ۔