بہترین تفریحی سہولیات کیلئے تیاریاں شروع ہیں:شاہد عباس

 گوجرنوالہ(نمائندہ خصوصی ) ڈائریکٹر جنرل پی ایچ اے شاہد عبا س جوتہ نے کہا ہے کہ عیدالاضحی کے موقع پر عوام کو بہترین تفریحی سہولیات اور پارکوں میں صاف سر سبز ماحول فراہم کرنے کیلئے پی ایچ ا ے کی طرف سے تیاریاںشروع کر دی گئی ہیں۔شہر بھر کے پارکس اور گرین بیلٹس کی تزئین و آرائش کا کا م تیزی سے مکمل کیا جار ہاہے ،تاکہ عید الاضحی کے موقع پر شہریوں کو پارکوں میں بہتر اور میعاری تفریحی سہولیات میسر آسکیں۔اِن خیالات کا اظہار انہوں نے جی ٹی روڈ گرین بیلٹس دورہ کے موقع پر صفائی ستھرائی و تزئین و آرائش کے کام کا جائزہ لینے کے موقع پر کیا۔