صاحب طرز مزاح نگار اور اپنی تحریروں کے ذریعے ہمیشہ کی زندگی پانے والے بریگیڈیئر (ر)صولت رضا کی آپ بیتی ”پیچ و تاب زندگی“ شائع ہوگئی۔ صولت رضا اپنے الفاظ کے سحر سے گزرے واقعات کو حقیقت بنا دیتے ہیں، ان کے کردار ناقابل تردید سچائی بن کر آنکھوں کے سامنے ناچتے ہیں، صولت رضا یادگار کتاب ”کاکولیات“ کے مصنف ہیں، مزاح اور دل موہ لینے والے چٹکلوں سے بھری ”کاکولیات“ نے سویلین حضرات کو کاکول اکیڈمی کو فوجی بھائیوں سے بھی زیادہ متعارف کرا رکھا ہے۔ اس کے علاوہ ان کے کالموں کا مجموعہ ”غیر فوجی کالم“ بھی شائع ہو چکا ہے۔ ”پیج تاب زندگی“ ایک مزاح نگار کی زندگی کے خوشگوار لمحات کیساتھ ساتھ سنجیدہ پہلوﺅں پر بھی روشنی ڈالتی ہے۔انٹرویو پر مشتمل اس کتاب میں کئی ناقابل فراموش واقعات اورلمحات موجود ہیں۔انہوں نے کتاب میں روزنامہ نوائے وقت کے دور کے یادگار واقعات بھی درج کئے۔