فیصل آباد (نمائندہ خصوصی) لائل پور نیشنل اوپن سکوائش چیمپئن شپ کے تیسرے روز کوارٹرفائنل مقابلہ میں لاہور کے عماد فرید نے پاکستان کے نمبر ون کھلاڑی دانش اطس کو ہرا کر اپ سیٹ کر دیا۔ 71 منٹ جاری رہنے والے اس طویل مقابلہ میں عماد فرید نے 11/8,11/9,12/10 سے کامیابی حاصل کی۔ مردوں کے مابین دیگر کوارٹر فائنلز میں فرحان زمان نے بلال ذاکر کو 11/9,16/14,11/5 سے شکست دی جبکہ شیخ ثاقب نے فرحان محبوب کو9/7,7/11 اور عامر اطس نے نوشیروان کو 12/10,8/11,11/2,11/6 سے ہرا دیا۔