کوئٹہ: خضدار میں لیویز چیک پوسٹ پر دھماکے میں 2 اہلکار زخمی ، نصیر آباد میں بجلی کا ٹاور تباہ

کو ئٹہ(بیورو رپورٹ)خضدار میں لیویز چیک پوسٹ کے قریب راکٹ گرنے سے 2اہلکارزخمی ہوگئے۔ ڈپٹی کمشنر خضدار سیدع عبدالواحید شاہ نے بتایا کہ بدھ کی رات خضدار کی سب تحصیل باغبانہ میں نامعلوم سمت سے فائر کیا گیا راکٹ لیویز چیک پوسٹ کے قریب گر کر دھماکے سے پھٹ گیا جس کے نتیجے میں 2 اہلکار محمد اکبر اور محمد مراد زخمی ہوگئے جنہیں فوری طور پر ہسپتال پہنچادیا گیا۔ لیویز نے مقدمہ درج کرکے مزید کارروائی شروع کردی۔ ایک اور واقعہ میں نصیرآباد میںنامعلوم افراد نے بجلی کے ٹاور کو دھماکہ خیز مواد سے اڑادیا۔ نامعلوم افراد نے 220کے وی کے بجلی کے ٹاور کے ساتھ دھماکہ خیز مواد نصب کر رکھا تھا جو زوردار دھماکے سے پھٹ گیا جس سے ٹاور کو نقصان پہنچا تاہم کوئی جانی نقصان نہیں ہوا پولیس مزید کارروائی کر رہی ہے۔